Ngayap

Tentu kita kala ninga lagu Ngayap ke dibai Ricky El seduai Sylvester Andy.

Enti ka nyimpan lagu tuk download ditu

Patut tauka enda adat ngayap tu ditan tau ka nda, laban dunya diatu ke majak moden nitih pemansang dunya?? Enggau peluang tuk aku nerangka reti ngayap lalu nerangka patut tauka enda adat tu ditanka tauka enda, laban diatu pengawa nya nyau majak ndai dikereja. Kitai Iban di rumah panjai enggau di mengeri kemaya haritu tebal agi jadi melaki bini ngena jalai moden (cara sembiang) laban majoriti kitai Iban ke udah masuk pengarap Kristian. 

Taja pia, kitai Iban ke jadi melaki bini ari kelia sampai diatu, enda milih cara Kristian tauka enda, tetap jadi melaki bini nitihka adat asal Kitai Iban kelia, ianya nengah pengawa melah pinang, nda ngiga bakani cara ia diintu, tetap disebut Melah Pinang. 

Kelia, laban ke ndai Handphone baka ke diatu, dia deh tusah ndar orang laki deka tawing, laban kelia ke ndai cara bukai kna "communicate' enggau indu ke deka ati. Ari pengawa ngayap meh ke nyadi batang jalai pengabis manah sereta ngena dalam adat asal bansa Iban begiga ka tawing pengidup.

Pengawa ngayap tu adat ti meri peluang ngagai bala raban bujang dara beguang, bekelala sereta nanam benih pengerindu, nengah cara berandau ba bilik peninduk indu berantaraka kibung. Endang sigi baka adat dunya pengerindu, enti sduai sama deka ke pangan diri, seduai nadai salah jadi, asal meh nadai penanggul bukai baka salah ba adat baka anak jadi enggau pangkat aya tauka pangkat apai iya, tauka lelaki jadi enggau menyadi indai iya sereta kes jadi salah bukai mega. Kebuah enda tau, enggaika kudi menua enti nadai atur kena nabar penyalah nya.


Enti nitihka adat org bujang ke ngayap enda tau ngayap lebih ati tiga malam bejurut,, enti nyau bejurut malam, dia deh apai indai indu bisi kuasa nanya orang bujang nya nentu ka ia amai keran ka anak org tauka enda. Enti ia semina main main, apai indai indu nya bisi kuasa  nagang lelaki nya ngayap ngagai anak sida. Enti laki nya amai keran ka ngambi anak dara sida ke bini, dia deh apai indai indu ngasuh orang bujang nya madah ngagai apai indai ia empu, mai bala sida nanya indunya ke bini. tang enti orga lelaki nya majak ngayap lalu enda meri pemutus, dia deh apai indai indu bisi kuasa nangkap orang bujang nya,  lalu diserah ngagai tuai rumah. ni ko tuai rumah ke empu mh ke ngatur ukum. 

Lalu kitai Iban patut gaga ati mega, laban pengawa ngayap tuk mega udah bisi dalam filem Hollywood "The Sleeping Dictionary". Enti bala producer Hollywood sanggup begagaka filem ke madah ngagai satu dunya pasal adat Iban, ndai kebuah kitai enda patut ngetan ka adat Ngayap nya..

orang ke belakon ba filem tuk ianya bestarring ka  Hugh Dancy sduai Jessica Alba, lalu shooting location ba menua kitai Sarawak, 80% ba Batang Ai, lalu sekeda ba Taman Negara Kubah di kuching ngau Kampung Buntal. Filem tuk meh keterubah ia  ngelaku ka nama Jessica Alba, diatu entara pelakon ke popular ngau pemajik ngau keseksian (maya filem tuk benung shooting ba taun 2001, ia baru beumur 20 taun, empai laku, popular tauka dikelala orang baka ke diatu.) Ketegal belakun nyadi indu bansa iban meh Jessica Alba tuk lalu nyadi artis ke tebilang..

sapa madah Indu org putih nda bajik enti ngena ngepan Iban

Ndai adegan 18SX dalam pengawa org kelia ke ngayap taja pan tama kibung org indu...

bujang enggau dara, udah setuju idup semati begulai sama. Scene sebedau orang bujang mulaika diri

Taja enda sama bansa/pengarap(kononnya dalam filem nya lah, seduai tetap besemaya idup semati, dalam scene tuk benung nganyutka homemade mini yatch, tanda enda ninggalka pangan diri. Sungai alai sida tiga tuk Ai Sumpa, Lubok Antu).

Laban dunya ke udah moden, lalu nemibiak mayuh ke sekula, lalu diatu bisi utai ke dikumbai orang handphone. lalu mayuh mega bala iban betemu baik ba sekula, pengerami, sama alai kerja, ngujungka adat tu nyau majak nadai dikereja agi. 

Diatu mensia enda diasuh ngayap nangika kita disangka org enchuri tama ke rumah orang malam malam, lalu bansa bukai enda milih org putih tauka bansa peranak kelimpah ari bansa Iban Sarawak mega DITAGANG ngereja pengawa ngayap tauka bekena ka jaku ngaya. Enti sapa sapa ditemu ngayap, dia deh sida tau kena ukum ba Seksyen 132 ngau 133, Adat Iban 1993 deka diukum Mungkul 100 (bansa bukai ke ngayap), Mungkul 100 (enti nyalam bansa bukai ke ngayap.)

Note: 

(1 mungkul nya nitihka ditulis Benedict Sandin Mungkul tuk sama enggau mata duit satu dollar ($1.00, maya nya). Makin besai penyalah, makin tinggi mega Mungkul ke diputuska tuai rumah tauka pengulu.)

Enti kelia, seringgit tauka sedolar tau disebut baka kitai ke ngena 90 ringgit diatu. Naka pemesai2 mh seringgit nya. ba taun 1987 maya aku sekula taun satu semina mai 3 ringgit aja, cukup empa pengelama 3 minggu. enti diatu, 3 ringgit kena makai kolo mee pan ndai cukup.. hehehehe...

Pulai ngagai tanya tadi, patut tauka nda adat tuk ditanka?

Ba aku, adat tuk patut ditanka, tang ukai nengah cara tama ke kibung baka kelia. Diatu udah bisi Handphone, bekena ka handphone nya meh cara kitai rebak baru ngetanka adat ngayap nya awakka adat tuk enda lenyau, lalu mega tau nyeliahka ari persepsi negatif ke tau ngumbai organg ke ngayap nya ngereja pengawa 18SX tauka ngmbi peluang alai enchuri tauka disangka orang menceroboh.

Lalu kitai Iban patut gaga ati mega, laban pengawa ngayap tuk mega udah bisi dalam filem Hollywood "The Sleeping Dictionary". Enti bala producer Hollywood sanggup begagaka filem ke madah ngagai satu dunya pasal adat Iban, ndai kebuah kitai enda patut ngetan ka adat Ngayap nya..

Nda pia???