Belajar Entelah Part 1

Leka main entelah tu siti ari leka main dikena kitai ngapuska hari tauka malam. Menya orang ke tuai suah mansutka entelah maya bumai betaun baka maya mantun enggau maya ngetau, ngambika enda berasai daing panas. Suah mega orang beentelah maya malam hari serayaka dikena merindang malam sebedau nindukka diri. Kelia ni mh bc tv ngau radio baka diatu..

Deka nemu cara bakani org tuai kelia ngelalaika entelah? Sekali tuk kitai belajar ari entelah tuk. Entelah tuk udah kala keluar ba keretas peresa PMR Jaku Iban (aku x ingat taun berapa)

Ni dek apai uchu laki Endu?
Tu sawa enggi aku ular sudu,
Nadai pala nadai iku.
Bisi nya ulih nuan,
Ambi ka Jelapi Manang Megu,
Datai din ila lalu galika di linti,
Tikai bembai sapar rampu,
Gagaka pedara lima piring telu,
Tenchang di pala palu di pegu.

Udah nya sungga ngagai pemandi

Udah nya peda gamal iya tak rintu-rintu,
Baka gamal Antu Buyu,
Penunang bini orang.

Idup aku apai,
Gaga aku uchu.
Dinga ada landu serebana munsuh di Ulu Kantu,
Pagi mati lemai layu,
Parai beduju rebah telentang.

Menua: 
Di emperan madang ridan,
Endur Kayan belaban beasur batak,
Di tanjung pungga lesung,
Dinga betekaung inggar baketerak.

Ulu lungga: Batang buluh pengerindu

Entelah nya ngelalaika Orang Ngambuh Duku

nemu nuan kebuah nama kebuah entelah nya ngelalaika 

orang ngambuh duku?

Ok, bkatu penerang entelah nya... (penerang dlm bracket. Bold font)

Ni dek apai uchu laki Endu? (entua ngagauka menantu ke ndai pengawa lemai ari)
Tu sawa enggi aku ular sudu, (ular sawa ngau ular sudu, bc menga nyebut ular krudu- sebansa ular Pit viper, pemesai lbih kurang batang penyapu, jarang ke panjai lbih ari sedepa. ular sawa k]ular sudu nya nunjukka batang besi segala, besi geran ko org
Nadai pala nadai iku. (batang besi segala, empai bc gamal)
Bisi nya ulih nuan, (entua meransang menantu awaka ia ngambuh duku nya laban menantu ndai pengawa)
Ambi ka Jelapi Manang Megu, (ambi ka arang tebelian lalu bai ke repun
Datai din ila lalu galika di linti, (besi engkah di tisi dulu)
Tikai bembai sapar rampu, (idup ka api )
Gagaka pedara lima piring telu, (tugungka arang tebelian)
Tenchang di pala palu di pegu. (palu abis besi segala nya nitihka pemandai

Udah nya sungga ngagai pemandi (sepuh besi ke udah dipalu nga ai)

Udah nya peda gamal iya tak rintu-rintu, 
Baka gamal Antu Buyu,
Penunang bini orang. (nunjukka duku ke udah tembu, naka pemanah2 ngau penajam)

Idup aku apai,Gaga aku uchu. (gaga ati bc duku ke tajam)
Dinga ada landu serebana munsuh di Ulu Kantu,(munyi kayu tumbang, lebuh ngetest duku nya tadi)
Pagi mati lemai layu (kayu ke ditebang mya pagi, lemai lalu layu lalu mati)
Parai beduju rebah telentang. (abis tumbang kayu empa penajam duku nya)

Menua: 
Di emperan madang ridan,
Endur Kayan belaban beasur batak,
Di tanjung pungga lesung,
Dinga betekaung inggar baketerak.

(menua nunjukka repun alai org ngmbuh duku)

1. madang ridan tu mayuh duri ridan ke tajam, lalu duri ridan nya disempama ng tugung arang ke angat. 

2. Endur Kayan belaban beasur batak- nunjukka mensia, belaban, jari kiba megai besi, jari kanan megai musinka repun. 

3. Di tanjung pungga lesung Dinga betekaung inggar baketerak. (bunyi ari rumah org ke ngambuh

udah nemu?? hehehehehe... ndai pedis pun ka nyaut entelah

Info:

1. Ular Krudu/Sudu, @ Bornean Pit Viper nda nemu engka sekeda menua lain nyebut, tang refer ng ular ke sama..

2, besi geran

3. repun. wartawan RTM nya ndai sangkut paut ngau ngaga duke hehehe....

4. duku udah tembu digaga