Aram Belajar Bebiau Part 1

Ba rumah panjai kitai Iban, ari kelia menya sampai ka kemaya haritu lebuh orang bisi pengawa begulu berami baka maya begawai baka Gawai Antu, Gawai Umai, Gawai Tajau, Gawai Burung enggau semua pengerami gaga ati baka Melah Pinang, siti ari penggal atur pengawa orang ke berami nya bebiau

Tuju org bebiau ianya besampi, enda milih nama2 pengawa, laban nama2 pengerani endang selalu bisi biau pengabang kena minta chelap embap ari Petara.

Mayuh orang enda nemu nama reti enggau kebuah pengabang enda tau enda dibiau. Dalam pekara tu, mayuh endar kebuah pengabang enda tau enda dibiau.

1. kena orang betabarka burung ke jai.
2. iya dikereja orang kena ngelalu penatai pengabang mayuh ngichaka sida nya mai tuah, mai limpah ngagai orang ke empu rumah sereta ngagai bala pengabang empu, minta sida sama betuah belimpah baka orang ke empu rumah.
3.  biau nya mega kena minta kasih ari Petara ngambika meri penyelap enggau pengembap, meri pengerai enggau pengayu ngagai bala mensia mayuh nyengkaum bala pengabang sereta mega orang empu rumah.

Reti nya biau bepinta pengerai enggau semua pemanah ke bukai baka minta pengelantang penyenang dalam pengidup.

Biau pengabang tu sigi dipejalaika orang ba pun pengerami, iya nya udah bekau pengabang nyau jenuh udah duduk sereta mega penggal pengawa bukai, nitih atur sebuah-sebuah rumah panjai ke bempu pengawa, tauka orang sepintu bilik ke bempu pengawa, kelebih agi baka dalam pengerami melah pinang.

Nyadi leka biau pengabang nya mega nitihka pengerami nya. Enti iya Gawai Batu, biau pengabang bisi mega bepinta pemulih bumai betaun, lalu enti maya orang bebiau Gawai Antu, leka biau nya deka muji orang ke empu ruang bilik dulu, udah nya baru muji bala pengabang mayuh ke datai.

Genteran biau pengabang ke dikena ka chuan dalam lambar tulis tu nya siti ari genteran biau ke selalu agi dikena orang miau pengabang ba menua Batang Ai, Skrang, Batang Lupar, Saribas enggau Krian, kelebih agi pati Saribas baka menua Paku, Rimbas, Padeh enggau Layar, sereta semua ai Krian baka Kabo, Melupa, Kawit, Ulu Krian, Budu, Telik, Awik, Sebelak, Sebetan enggau semua genturung menua Krian ulu, tengah enggau ili.

Sekali tuk aku deka nerangka siti agi leka main kitai iban ianya pengawa bebiau maya melah pinang. Kelia laban ke empai megai pengarap Kristian, bebiau tuk mh cara ke dikena kitai besamoaika seduai ke belaki bini tuk diau menyana, gerai nyamai lantang senang beranak betelesak nguan menua. sampi ke bukai dudi ari share

Semua leka biau nda milih ai ni, menua ni, tetap bemula ari "Sa, Dua, Tiga, Empat, Lima, Enam, Tuuuuujoh baka leka biau niki ka pengabang tuk..

Sa, Dua, Tiga, Empat, Lima, Enam, Tuuuuujoh.
Enda aku busong ilang laya, 
Megai langgai manok banda, 
Kena aku miau ading piring pinang saleka, 
Laban aku tu nampong jako sera nyawa, 
Enggi aki kitai Rekaya, 
Iya endang landik ngajar kitai bebasa, 
Ka semua bala pengabang.

Enda datai sepuluh. kebuah sampai 7, laban nombor 7 tuk dalam nama2 pengarap sigi no ti tau ajih (ajaib, sakti, hebat etc..) laban ba dunya tuk bc 7 benda ajaib, sampai pemain bola te tebilang bka Beckham, Ronaldo, Eric Cantona semua ngena no 7.

Ke buah ia, laban Petara kitai Iban dalam pengarap lama 7 iko ianya: 

1) Sengalang Burung – God of war
2) Raja Menjaya – God of medicine
3) Raja Biku Bunsu Petara – God of Resources
4) Raja Selempandai, Raja Selempeta, Raja Selempetuh – God of Creation
5)  Ini Inda, Ini Inee, Ini Andan – God of Justice
6) Raja Anda Mara – God of Wealth
7) Raja Simpulang Gana – God of Land/farming/agriculture

Seduai ke jadi melaki bini nya tadi diasuh duduk ba tawak selebuan (jku kitai iban kena nyebut pe,ayuh tawak, bebendai, sama enggau reti iti, lalu lelambang ke miau bediri di belakang seduai ia lalu megai mahuk siko.

t deka maca leka biau jadi melaki bini, tau baca ba blog kaban kitai ditu...(kelalu panjai x ulih type aku... hehehehe. Penulis leka biau nya endang peturun Sengalang Burong, petara lama no 1 ke dipada tadi. tuk nunjukka sida tujuh iko menyadi nya endang amai2 wujud, ukai cerita sengapa...

baca ditu: Leka Biau Melaki Bini

Deka nemu bakani org bebiau ke bendar? 

tuk siti ari leka biau ke kala kluar ba kertas peresa PMR, aku nda ingat taun berapa, lalu rekording tuk diambi aku ari CD ke mega dikena sida ke belajar ba UPSI

Dinga Ditu  - Biau Melah Pinang 1

Dinga Ditu -  Biau Melah Pinang 2 

tang tu ke enda tentu betul maya bebiau, selalu ia ba ujung leka biau, munyi ko ensera Bayang ngiga Petara ke dikeluarka Thomas Tegong Laja ba program Pengingat tuaibaka ba baruh tuk

bulih padi bulih puli
bulih duit, bulih riggit,
bulih reta bulih pengaya
nadai apa nadai nama
chelap lindap nguan menua..

Enti besampika ka org ke jadi melaki bini, kitai besampika xda bulih padi bulih reta, nama mebuah nyebut nadai apa nadai nama????

"Tadi nn besampi minta reta, minta pengaya, nama kebuah nn nyebut minta nadai apa nama, ni nda nikal leka sampi nya tadi, munyi ko Petara nganu Bayang dalam Ensera

Nda pia.. nya meh kebuah sampi mayuh nikal belama