Tusah Ati Tinggal Bini - Edward Kuju

Tusah Ati Tinggal Bini - Edward Kuju

Sekali tuk kitai beperindang enggau lagu lama ke semampai agi popular diatu ianya lagu Tusah Ati Tinggal Bini  ke di bai Edward Kuju. aku terubah ninga pagu tuk ba ujung taun 1980-an, lalu minta ampun laban aku empai tetemuka videoklip asal lagu tuk.

diatu pelaba aku, tusah endar ka ngiga videoklip, lalu enti ka karokae pan enda ulih laban ke nadai VCD. Semina MP3 aja ulih extract aku, lalu aku ngubah ngaga kediri videoklip lagu tuk, awakka bisi dikena mya karokae..

video nya nadai sangkut paut enggau lagu tusah ati tinggal bini, laban aku semina ngena klip video nya, sekadar nulung ia promote bisnes restoran ikan empurau hehehe. Enti kita kala makai diak, 100 gram empurau rega ia RM 120.00, lalu sepinggai pala ikan tuk aja rega dalam RM 340.00. laban empurau nya datai ari kolam, rega ia enda mar bka rega ikan asal ke ditangkap  ari sungai, tang agi mh mar..

leka ka cerita ikan nya... Aram kitai beperindang..

tusah amai meh asai ati
lebuh maya ku nurun kereja
ngenang anak tinggal kediri
diau di rumah nadai urang nyaga

idup kami wai anak sunyi
sekumbang indai ya udah lari
aku kereja enda sempat berapi
kami duai mina makai mi

chorus-
tu meh gaya sida ke indu
enti belaki enda cukup siko
enda ngira diri janda 2 kali
anak ditinggal lalu dibenci

nadai nya nunda pengeran ati
sebedau dara deka belaki
ngasai nya pedis lalu ka lari
enda ngira idup ke dudi ari

mata buntau ku tinduk malam
anak ngigau nyebut nama nuan
kati nuan nda berunding sinu
ngenang anak merinsa bakatu

chorus-
tu meh gaya sida ke indu
enti belaki enda cukup siko
enda ngira diri janda 2 kali
anak ditinggal lalu dibenci

nadai nya ngira pengeran ati
sebedau dara deka belaki
ngasai nya pedis lalu ka lari
enda ngira idup ke dudi ari

mata buntau ku tinduk malam
anak ngigau nyebut nama nuan
kati nuan nda berunding sinu
ngenang anak merinsa bakatu

Ngelala Bulu Manuk Part 1

Nyabong manok tu endang siti ari uti asal bansa iban. Uti bansa tu bentaruh ka nyawa manok ti disabong. Ari ka bebuti nyabong ngelaban pangan diri nya tadi, penemu sabong kitai Iban pan ngerembai sereta mansang ari serak siti ngagai serak siti. Balai nyabong tu lalu nyadi ka endor kitai Iban nguji ka penalam penemu siko-siko anak Iban ba pasal bulu enggau tuah manok

Enti ka maca cerita bakani kitai iban ke nemu nyabung, tau baca ba blog kaban kitai. 

Baca ditu

Sekali tuk, aku deka mai kita bekelala enggau bansa bulu manuk ke suah dipeda lalu di sabung mensia. Meri besai terima kasih ngagai aya aku Mr, Jalang ak Jimbai ke diau ba Masai, Johor Bahru ke bebisnes nyual mauk sabung di menua Malaya tuk. Enti ka meli, tau PM aku, ang irau, ia bisi lesen/pemendar ari polis. Hehehehe....

taja mayuh bansa manuk, tang nyau ka semua, iban nupi manuk bka di baruh tu...

1. Burik Kesa

2. Burik

3. Labang

4. Adong

ADONG BELALAI: Nyadi bulu manok ti dikumbai Adong Belalai tu burak ari pala ngagai sayap nyentok ka ngagai iko iya. Tang ba bau iya bisi bulu mirah salambar tauka dua lambar ba kedua-dua piak. Bulu ti mirah nya enda dipeda, semadi nuan nyilak ka bulu bau manok nya, nya baru bulu mirah nya dipeda. Laban nya, iya dikumbai Adong Belalai.

5. Biring

6. Banda/ Banda Ensing

7. Burik Menaul

8. Bangkut

Menaning

9. Biring Menaning, enti warna bulu manuk nya bc sama enggau bulu manuk biring enggau burit indu utai ke nyengat aka indu naning..

Meli Kereta

Nemu kita cara orang ngira bayaran bulan kereta ke dibeli kitai?

selalu ia lebuh kitai meda tauka ngabas ngagai ejen ke nyual kereta, dia deh deh kitai ngasuh orang tauka ejen nya ngira, sama ada cda nipu tauka enda, ndai meh kitai nemu hehehe.

sekali tuk aku ka bekunsi ka cara  ngira bayaran bulanan kereta, cara meli kereta baru tauka secondhand, lalu bakani cara kitai deka ngatur enti kereta nya enda ulih dibayar. Laban ajku maya abis belajar suba kala enggau orang kereja temporary  ba kompeni ke nyadi ejen nyual kereta. 

orang ke bejual ka kereta tuk, ndai penatai pemisi ke tetap (tauka gaji pokok. sida tuk rely@begantung penuh ari komisen ari berapa iti pemayuh kereta ulih dijual sida sebulan enggau bansa kereta ulih dijual sida sebulan. Enti ba alai aku kerja ba Proton Edar suba, enti ulih nyual Proton Wira baru, komisen ke diulih dalam RM 2000-RM3500. Enti enda pecaya tau tama ngagai tempat alai orang nyual kereta proton tauka Perodua. kita lalu disambut sida enggau public servis munyi ko drama pengidup episod nyual CD.

Enti ka meli kereta baru, senang amai, laban enda begunaka penjamin lebih lebih agi sida ke bisi slip gaji enda ngira nya kereja perintah tauka kereja swasta. Bank alai ngeloan, deka meda enggau ngecheck statement bank kita, enti bank confident bisi duit masuk sekian sekian, loan kita sigi diapprove. 

Enti kitai ka meli kereta dia deh selalu ia bisi 3 variant, ianya basic, Standard/Elite/Premium ngau Special Edition. Basic reti ia model kereta nya semina dibekalka enggau airkon, radio ngau window ke dipusin enggau jari enti ka nurunka cermin, lalu ngena rim besi biasa. Standard/Elite/premium tuk mayuh agi dipasang aksesori baka Anti Brake System, Alarm, Sport Rim, Spoiler, Leather seat, GPS enggau Gear Auto. lalu Special Edition semina dikeluarka ba taun taun tertentu aja sebagai commemoration lalu rega pan mega tinggi agi.

Kitai tau meda comparison harga antara model Proton enggau Perodua ditu;

Rega kereta Proton di Arab Saudi, jauh murah ari rega ke dijual ba Malaysia (RM1=RM 1.03 duit arab) hehehe.....

Rega kereta ke dijual Proton tauka Perodua, dikumbai orang Price On The Road (OTR) tauka rega atas jalai. Reti ia rega kereta nya enti dibeli termasuk sekali enggau Insurans, Interest@Untung Bank, Cukai SST 10%(diatu udah nurun ng GST 6%), roadtax JPJ, enda ibuh agi pedis pala ngira. Lalu enti nn nemuai ngagai palan alai ejen ke nyual, ejen ke nyual nya akan ngira ka kita. Tang manah mega kita nemu, ngambika enda ditipu ejen ke nyual.

Cara ejen ngira bayaran ansuran ia nya bakatu:

• Penyampau loan (rega kereta)
• Interest Bank (2-4%) setaun
• pengelama mayar (7 taun (84 bulan) tauka 9 taun (108 bulan).  

1. Full loan tauka ndai downpayment.

kita semina ulih full loan,enti kita bisi slip gaji enti bank alai kita ngeloan nya puas ati, dalam akaun bank kita tiap bulan bisi masuk duiit sekian2 lalu duit keluar sekian2, enda milih bisi slip gaji tauka kereja kediri, baka orang ke bisi sawit ke lantang2 masuk 2-3 ribu sebulan. 

Mula mula2 ejen akan madah ka kita, penyampau duit ke deka di loan kita ari bank, pengelama nuan mayar, enggau interest bank. 

Contoh aja, aku deka ngambi Axia rega OTR RM 24,437.16, bayaran pengelama 9 taun(108 bulan) lalu interest bank 2.88% (interest diatu), sebut ajak lh 3% enti kereta baru jarang lebih ari 3%

• Penyambau loan= RM 24,437.16
• Jumlah Tempoh Pinjaman = 9 taun (108 bulan)
• Interest =3% setaun. pengelama 9 taun@108 bulan, interest ke dicas bank ngagai kita ianya RM 24,437.16 x 3% x 9taun = RM 6,598.03

Rega kereta ke bendar ianya sama enggau:

Penyampau Loan Bank + Interest bank pengelama 9 taun = RM24,437.16 + RM 6,598.03 = RM 31,035.19

Bayaran bulan kita = RM31,035.19/108 bulan (9 taun) = RM 287.36. (lebih kurang la enggau dlm jadual, engka interest rate sida tinggi agi ari 3%)

Enti full loan 7 taun, cara ngira pan sama , interest setaun = RM24,437.16 x 3% x 7taun = RM 5131.80

penyampau loan bank + Interest bank pengelama 7 taun  = RM24,437.16 + RM 5131.80 = RM 29,568.96. 

bayar bulan  = RM 29,568.96. /84 bulan = RM 352.00

2. Enti ngena Downpayment/pala

Cara ngira lebih kurang sama, semina penyampau loan bank ditolak enggau downpayment kita (biasanya 5% tauka 10%)

Contoh aja aku deka ngambi  Axia RM 24,437.16, ti sama rega, bayaran pengelama 9 taun(108 bulan) lalu interest bank 3% enggau bayaran downpayment 10% (RM 24,437.16 x 10% = RM 2443.71) sebut aja mh RM 2500

Rega kereta ke bendar ianya sama enggau:

Penyampau Loan Bank = Rega OTR - 10% downpayment =  RM 24,437.16- RM 2500.00 = RM 21,937.16 

Interest bank pengelama 9 taun = RM 21,937.16 x 3% x 9 taun = 5923.03

rega kereta pengudah ditolak downpayment 10% =

penyampau loan bank + Interest bank pengelama 9 taun  = RM 21937.16 + RM 5131.80 = RM 27,068.96.

bayar bulan pengelama 9 taun ianya RM 27,068.96/108 bulan (9taun) = RM 250.63 


Ya, enti lama agi kita ngeloan, mayuh agi gak interest ke dicas bank alai kita ngeloan. 

Enti bisi Downpayment, mayuh agi downpayment, kurang agi bayar sebulan. jampat agi kereta nya abis bayar..

Enti kereta aku empu rega OTR Preve 64k, interest 3.25% dibayar 9 taun, kira bayar bayar ia bakatu:

loan interest bank 64k x 3.25% x 9 taun = RM 18,720

rega kereta full loan = RM 64000 + RM 18,720.00 = RM 82,720.00

Bayar bulan = RM 82,720/108 = RM 765.00

Enti ka meli kereta secondhand, cara ngira pan lebih kurang sama mega. Enti kereta secondhand, ka tusah mimit bank ka appove enti ndai penatai pemisi, lalu beguna ka penjamin (guarantor).

Reti guarantor tauka penjamin nya, jaku mudah, enti nuan jamin Si A ngeloan, enti Si A enda mayar loan, nuan mayar.. enti nuan enda mayar, nuan lalu ditagih bank mayar loan nya. lalu enti nuan enda mayar loan nya, nama nuan tau kena blacklist lalu silap ari tau mega declare bankrap...

nya kebuah, enti ulih anang sekali kali nyadi penjamin orang meli kereta, taja pan orang ke dijamin nya bini, laki, anak, ipar, aya, ibu tauka kaban belayan. Laban enti nuan jamin orang, lalu orang nya enda mayar loan, dia deh bank lalau ngasuh minta nuan mayar loan nya. 

enti nuan enda mayar loan nya, dia deh nama nuan deka blacklist lalu nuan enda ulih agi ngeloan ari abank tauka institusi kewangan ke bukai. nuan mega tau dideclare bank bankrap, taja enda nemu diri udah kena blacklist betaun2...

Enti kereta enda dibayar:

Seagi agi kereta empai abis dibayar dalam pengelama 9 taun nya, kereta nya agi diempu bank lalu nuan semina disebut penyewa kereta nya sampai kereta nya abis dibayar. Enti nuan meda ba Greencard kereta nya tertera ditulis HAK MILIK DITUNTUT BANK alai nn ke ngeloan meli kereta nya. 

Enti ngasai nuan enda agi ulih mayar loan nya tiap bulan ketegal penanggul (bka ndai kerja tauka penanggul bukai) nuan tau betanya ngagai bank alai nn ngeloan, awakka bank ulih menstruktur semula jadual pembayaran. 

Enti nn enda mayar kereta, dia deh bank deka narit kereta nya laban ban greencard tertera HAK MILIK DITUNTUT BANK. Bank lalu ngeluarka surat narit kereta nya, lalu enti bisi orang deka narit kereta kita, kitai mesti minta surat pemendar ari bank ari orang ke deka narit kereta nya.

pia mega, enti nuan ngasai ka enda tebayar ke kereta nya, nuan tau ngasuh orang bukai tauka orang ke jamin nampung bayar kereta nya, taja pan nuan udah mayar sampai 6-7 taun ke tinggal setaun lebih. Laban munyi ko aku tadi, nuan semina penyewa aja pengelama 7 taun nya, nuan mesti meri kereta ngagai orang ke nampung loan nya. 

Perengka Ti Patut Dikena Maya Pekit Keling

1. Topi Lanjang/Ketapu

Ngepan tradisional laki ke dikena ba pala dikumbai kitai lanjang lalu bisi mega ke dikumbai ketapu. Ketapu nya digaga ari wi ke dianyam lalu chura iya nitihka peneka diri empu. Diatu laban udah bisi cat, dia deh wi nya dicat dulu ngau cat chelum merah, kuning ngau burak baru orang nganyam selalu ia warna ke dikena selalu ia warna ke kontra (belaban) ngambika terang sereta tampak dipeda, baka Chelum vs kuning. ngau chelum vs burak.

Udah ketapu tembu dianyam , dia mih orang ke landik ngaga perengka tu ngujakka bulu burung ba ketapu nya. Selalu ia bulu burung bulu burung ruai sereta bulu burung kenyalang, laban bulu burung tuk panjai lalu tebilang enggau pemanah sereta bulu nya nda mudah charik. Tang minta ampun, burung tuk enda tau dibunuh,  laban udah masuk dalam list jelu enda tau dibunuh laban ke majak punas. 

Burung ruai ke lelaki(male)

 Burung ruai ke indu(female)

Burung tuk, ngerembai ka bulu ia enti bisi jelu bukai deka nyerang ia, (self defense)  lalu ngerempai ka bulu ia mega enti bisi burung ruai indu manda ba muda sida, nguji narit atiburung indu ngau pemanah bulu sida  maya musim ka betelu.

Pengelebat bulu burung ti diujak ba ketapu nya nitihka siku-siku orang ti ngaga iya. Makin lebat bulu nya diujakka , makin manah iya dipeda.

Pia mega, bisi orang ngena bulu iko burung kenyalang.

Enti tunga menua kami ke Batang Ai. udah ketapu nya diujakka bulu burung ruai enggau bulu burung kenyalang, iya tau digelar kitai lanjang. Lanjang tauka ketapu, referring ngagai utai ke sama (ke diengkah orang ba pala, ketapu enti sebansa bulu aja, lalu lanjang enti udah becampur enggau bulu burung ruai enggau kenyalang. Enda nemu mh ba menua kita bakani orang nyebut. makin mayuh bulu ke diujak, makin manah gamal lanjang nya..

2. Gagong/Baju Burung

Gagong sebengkah baju ti digaga ari kulit jelu siga dikena aki kitai kelia. Gagong tu suah dikena kitai bansa Iban kelia maya nurun ngayau mulau menua, ngulu pengerami besai sereta pengawa begawai. Gagong enda tau dikena sengapa laban kelia suba Gagong tu dikena  orang ke deka nurun ngayau, orang ti kering, berani sereta tampak nama. Nitihka cherita tuai, bala munsuh takut deka ngelaban enti meda bala Iban bekenaka Gagong.

Gagong suah agi digaga ari bulu tauka kulit jelu siga baka jelu jugam ke tusah diulih laban jelu tu kering sereta mangah. Kelia menya, sida ke ngembuan Gagong tu dikumbai orang berani sereta bisi pengaruh. Kelimpah ari nya, ngepan tu disempulang enggau taring jani ke berantu, ngembuan pengaruh bebunuh sereta dinding bulu. 

Baju burung tu mega siti ari perengka baju tradisional sida ke laki. Baju burung tu suah agi dikena maya ngintu pengerami baka dikena nyambut temuai datai tauka maya ngajat. 

Baju burung selalu iya bechura mirah terang. Baju burung ditenun ngena chara sungkit sereta asil iya alus agi. Motif baju burung lebih kurang baka motif pua kumbu.  Ubung chura emas dikena sida nyungkit kain dikena ngaga baju burung. Baju burung digaga sigi engkeman enggau tubuh orang ke ngempu baju.

Enti lelaki nya ngena baju burung, lanjang iya enda tentu lebat bulu burung . Tang mih enti ngena gagong, lanjang sida sigi diujak enggau bulu burung ti lebat. Engka nya nitihka pemisi kereban tradisonal sida, enti orang kelia bisi baju gagung, tentu mega bisi bulu burung ke mayuh.

Enti kereban nya ditinggalka orang tuai sida, nya aja meh pemisi sida laban perengka tu pedis amat ka ngiga diatu. Enti nadai, ang mega peneka munuh burung, baka sedadu melaya tuk, memang sendiri cari nahas.. 

3. Sirat

Sirat kereban ngepan sida ke laki dikena ba punggung lalu nutup ke baruh pah. Kelia menya, orang laki sigi nadai betanchut tang semina besirat aja. Sirat tu ukai semina dikena nurun ngayau, ngereja pengawa ritual tauka maya begawai. Tang mih maya besehari sehari sida ke laki pan ngena sirat. Selalu iya, pemesai sirat tu 50cm buka kali enggau 500cm pemanjai (50cmX500cm). Iban kelia udu ngiga asil babas dikena ngaga baju, kain sereta sirat. 

Ngambika chunto, kulit temeran ari kayu tekalung ti ditenchang dataika iya alus besabut dikena ngaga sirat tauka baju tekalung.

Kain ti nyadika sirat sida ke laki baka kain pua kumbu bechura mirah. 

4. Marik

Perengka ngepan tradisional laki Iban mega bisi nyengkaum marik ke ditusuk ngena manik aja. Bisi bungai iya empu kena ngelagu marik ubu nya. Bisi mega orang ngambi taring nyadika tating marik. Taring tu selalu iya diambi ari jelu ti siga, mangah sereta kering. Ngeli mensia ke udah dikayau mega ulih nyadika tating marik sida laki Iban. Kelia, tating marik nyengkaum manik ti digaga bala manang ti digelar kitai Ilau Kerangan. Taring babi ke suah agi didinga kitai nyadika tating marik tauka diengkah ba lengan. 

5. Terabai

Perengka Iban ke asal agi ulih dipeda kitai diatu iya nya terabai. Terabai tu siti ari perengka perang kitai Iban. Terabai tu suah agi dikena sida bujang kering berani ngayau, bebunuh, kayau anak sereta ngetanka menua ari munsuh. Diatu laban ke ndai ngayau agi, semina dikena maya ngajat sereta ngajat Bebunuh ngau nyambut temuai aja. (opening ceremony)

 Terabai ke digaga sigi besai, ulih disebaka enggau pemesai sereta baruh mimit ari mensia lebih kurang 3-5 kaki. kelia terabai digaga ari kayu ti pemadu kering sereta tan. Kayu ke dikena orang ngaga terabai tu iya nya kayu tebelian, serangan batu, kayu mengeris tang diatulaban ke ndai ngayau agi, kayu ke lempung mega dikena ngambika nyamai diukir.

cara ngukur diatu mega nitih ka pengelandik diri empu, tang semua bemotifka churak ukir bansa iban. Enti kelia  terabai nya ditebuk nitih ka pengelandik, tang diatu, laban ke udah bisi cat, dia deh orang ke ngukir nya ngena chat ngambika terabai nya manah agi dipeda tauka bisi commercial value.

6. Senyata

Perengka ngepan laki Iban enda genap enti sida nadai bepegaika senyata. Senyata tu mih nyadika tenggau maya sida nurun belelang, begigaka jelu sereta ngayau. Tu mih utai dikena ngelatih sida awakka nyadi bujang berani, ulih ngetan ke menua sereta tampak berita. Senyata tu mayuh macham bengkah. Semua senyata tu sigi digaga ari jari sida ti landik.

Sebengkah ari senyata ti sigi bisi dikembuan siku-siku laki Iban iya nya Ilang sereta nyabor. Ilang sereta nyabor deka sebaka semina nyabor tu pandak agi ari ilang tang mata nyabor besai agi. Nyabor tu sigi dikembuan sida ke laki kelebih agi sida ti orang kayau. Ba ulu nyabor selalu bisi diengkahka sida bulu buk. Bulu buk tu nandaka nyabor nya kala dikena ngayau sereta udah bisi dengah. Bulu buk nya mega tanda sida laki ti ngempu nya tampak berita sereta tampak kayau. Bulu buk ti diengkah orang ba ulu nyabor dikumbai kitai jambur tauka jabang nyabor. Pemegai nyabor nya bisi ukir. Ukir nya ukai ukir ti digaga sengapa.

Pia mega, orang ke betanding pekit keling bisi mega megai sangkuh.

Pia mega mayuh aksesori ke bukai ke ditambah, ari bukai meh ngenang aksesori nya, laban sekeda menua engka enda sebaka. Lain menua, engka lain mega aksesori ke ditambah.

Tang taja mayuh aksesori ke ditambah, ketapu tauka lanjang, baju gagung tauka baju burung, sirat, marik enggau terapai sereta sennyata enda tau ditinggal...

Aram kitai mega pemanah, pengering serta penyigat enti orang lelaki ngena perengka ngepan iban ke betul....

Lalu sapa ngumbai orasng putih enda sigat/bajik enti ngena ngepan iban..........